请选择 进入手机版 | 继续访问电脑版
 找回密码

照亮一生

查看: 86|回复: 2

萌主参与拍摄的最新饮食节目(综合报道)

[复制链接]

签到天数: 706 天

连续签到: 18 天

[LV.9]以坛为家II

累计在线
16430分钟
发表于 2016-6-2 13:42:36 | 显示全部楼层 |阅读模式
本帖最后由 紫欣jessie 于 2016-6-2 13:46 编辑

奸角王張松枝孖尹天照惡搞《太陽》勁爆笑

【on.cc東網專訊】 早前韓國劇集《太陽的後裔》熱爆全亞洲,男主角宋仲基更憑劇集成為眾女心中嘅男神,之後有網民話覺得香港藝人張松枝樣貌同仲基Oppa有幾分似樣,估唔到張松枝今次真係扮Oppa,而且反應仲相當唔錯!

「原來都係個黐線佬」
最近有公司搵嚟「況天佑」尹天照拍網上飲食短片《我同殭屍有個約定》,片段被分拆開幾節,而其中一段就係請咗港版「宋仲基」張松枝飾演「餸仲基」。二人攜手合作,一齊大放笑彈!短短數天已經吸引25萬次瀏覽,唔少網民留言大讚張松枝扮Oppa扮得好似,仲笑搞鬼演出嘅佢原來都係個黐線佬,形象比以往飾演奸角更為討好!
片中故事講述離開「亞視」後嘅「況天佑」開咗一間旅館,每次客人退房時,如果客人能煮到令佢滿意嘅菜式,就可以免收旅費。鏡頭一轉,「況天佑」發現自己甩鞋帶,於是踎低想綁鞋帶,點知着上一身軍服造型亮相嘅「餸仲基」突然極速彈出嚟,仲重演《太陽的後裔》宋仲基幫宋慧喬綁鞋帶嘅經典一幕,HeHe味甚濃!綁完鞋帶後,「餸仲基」解釋佢係嚟退房嘅,老闆「況天佑」於是開價860港元,「餸仲基」於是畀咗張大面額銀紙出嚟,仲認真豪氣咁話唔使找添!點知「況天佑」一睇…發現張銀紙係Won(韓圜)嚟,於是沉住氣咁話「呢度係香港」…單係呢一幕,就已經夠晒爆笑!
除此之外,「餸仲基」仲不時爆出一、兩句韓語,十足真Oppa一樣!之後佢仲煮咗道「太陽的後麵」,其實就係太陽蛋泡菜炒麵,不過「餸仲基」原來係流料,畀「況天佑」話隻蛋似皮蛋之餘,泡菜又變咗菜心,認真搞笑!
其實除咗張松枝扮宋仲基成為亮點之外,經典角色「況天佑」依然深入民心,有網民大讚其幽默演技有驚喜,仲話想睇埋「馬小玲」(萬綺雯)一齊參演添!不過,最好笑都係有網民問尹天照係咪Cosplay劉松仁,睇睇吓尹天照呢個造型,同劉松仁真係有幾分相似喎!

網民有話兒:
Wxxx xoi Txi:救命阿好靚仔阿枝枝!!!!
Cxxxtanxx Yxxn:幾好笑,估唔到尹天照有驚喜嘅演繹
Axxmi Txxxgucxx:之前已經覺得呢位演員同宋仲基好似樣,點知真係會扮佢,不過睇得佢奸角咁多,點扮都冇宋oppa個(嗰)種甜味呀(≧▽≦)
畢XX:尹天照先生你終於出嚟,因為《我》(我同殭屍有個約會)這套電視劇太好看啦!
羅X:咁佢戴住副太陽眼鏡,驟眼睇又確係有幾分相似,不過成段片都好搞笑





本帖子中包含更多资源

您需要 登录 才可以下载或查看,没有帐号?立即注册

x

签到天数: 706 天

连续签到: 18 天

[LV.9]以坛为家II

累计在线
16430分钟
 楼主| 发表于 2016-6-2 13:51:23 | 显示全部楼层
孖尹天照惡搞《太陽的後裔》 張松枝化身「餸仲基」煮麵


【晴報專訊】曾效力無線多年的男藝人張松枝,早前惡搞韓劇《太陽的後裔》Oppa宋仲基,化身「餸仲基」炮製「太陽的後麵」,與旅館老闆尹天照拍短片推廣明火煮食,成功擦出火花。不少視迷驚嘆本土宋仲基超搞笑;有人則嫌發福尹天照驚變鄭子誠。
劇集雖已播畢一段時間,但劉大尉近日不停穿梭內地各大衞視的綜藝節目包括《快樂大本營》、《奔跑吧兄弟4》等狂賺人民幣,並將於本月11日襲港,假亞洲國際博覽館舉行亞洲巡迴粉絲見面會香港站。雖然票價最高達$1,380,但仍然一票難求,港女們也希望能夠現場一睹宋仲基的風采。
重演綁鞋帶經典場面
近日有煮食網站亦借《太陽》抽水,找來「港版宋仲基」張松枝與90年代亞視神劇《我和殭屍有個約會》的況天佑(尹天照)復出,拍攝宣揚明火煮食的網上短片《我和殭屍有個約定》。片中介紹況天佑離開亞視後開旅館,更迎來以劉大尉造型登場的非一般客人張松枝。化身超級巨星「餸仲基」的張松枝,身穿軍服戴黑超,跪地為況天佑綁鞋帶,重演《太陽的後裔》的經典場面,餸Oppa更下廚炮製一份「太陽的後麵」,換來一晚免費住宿。

  此外,他在短片中不經意講韓文兼Chok樣揸槍,成功搶鏡,贏盡網友掌聲,短片至今已錄得逾25萬點擊率,不少人盛讚張松枝靚抽,遠睇勁似宋仲基;另一方面,有人卻嘲諷尹天照發福不少,樣子更似足鄭子誠。

本帖子中包含更多资源

您需要 登录 才可以下载或查看,没有帐号?立即注册

x

签到天数: 706 天

连续签到: 18 天

[LV.9]以坛为家II

累计在线
16430分钟
 楼主| 发表于 2016-6-2 13:55:54 | 显示全部楼层
本帖最后由 紫欣jessie 于 2016-6-2 15:31 编辑

張松枝惡搞宋仲基 況天佑重出江湖
韓國劇集《太陽的後裔》熱爆全亞洲,男主角宋仲基更成為一眾女士心中嘅男神。其實香港都有一個「宋仲基」,講嘅就係張松枝,之前都有網民話佢似㗎。最近佢着晒軍服拍廣告,仲講咗幾句韓文,又真係似足宋仲基喎~網民都大讚張松枝扮Oppa扮得好似!當然廣告嘅最大驚喜,一定係有大家熟悉嘅尹天照啦,咁耐冇見,一見啲回憶即刻返晒嚟!況天佑終於復活啦!

视频地址:http://weibo.com/p/230444cb5409d0c4275f54b97f91070b6bbd40

本帖子中包含更多资源

您需要 登录 才可以下载或查看,没有帐号?立即注册

x
您需要登录后才可以回帖 登录 | 立即注册

本版积分规则

小黑屋|手机版|Archiver| 照亮一生

Copyright © 2001-2013 Comsenz Inc.   All Rights Reserved.

Powered by Discuz! X3.2

快速回复 返回顶部 返回列表